Звычайна пасля суда некаторы час вязні яшчэ знаходзяцца ў СІЗА дзе і знаходзіліся да суда. У следчым ізалятары яны чакаюць канчатковага прыгавора, у выпадку з Берасневым, чакаць вынікаў апеляцыі. Але ж на мінулым тыдні аршанец Васіль Бераснеў і мінчанін Генадзь Фядыніч, асуджаныя па справе прафсаюза РЭП, нечакана проста зніклі з мінскага СІЗО на вуліцы Валадарскага. Куды яны падзеліся, адміністрацыя "Валадаркі" не паведамляла, проста: "выбылі".
Як высветлілі мы на выходных, "выбылі" абодва палітвязня, бо мінскае СІЗО перапоўнена арыштаванымі па палітычных матывах. Таму некаторых з вязняў пачалі развозіць у рэгіёны. Фядыніч і Бераснеў знайшліся ў СІЗО Магілёва. Спадзяемся, што хутка яны змогуць даслаць лісты.
Пакуль жа вы можаце падтрымаць прафсаюзных лідараў сваімі лістамі па новым адрасе: 212011, СІЗО Турмы №4. вул. Крупская 99-а. г. Магілёў.
