Роўна 90 гадоў таму - з 17 па 22 жніўня 1924 года зборная Оршы прымала ўдзел у футбольным турніры першага Ўсебеларускага спартовага свята, паведамляе сайт фанатаў ФК "Орша".
Да стварэння арганізаванага футбольнага клуба ў нашым горадзе заставалася яшчэ некалькі дзесяцігоддзяў, але гэта не сведчыць аб тым, што футболам у Оршы ніхто не займаўся. Зборная горада і да таго і пасля ўдзельнічала ў розным матчах супраць зборных іншых гарадоў.
Што датычыцца першай згадкі пра самую папулярную ў свеце гульню на тэрыторыі Оршы, то ёй сёлета споўнілася 96 гадоў. Улетку 1918 года зборная Оршы згуляла таварыскі матч з камандай Віцебска.
