Раніцай у Мінскую міліцыю звярнуўся кіроўца таксі, які аказаўся ахвярай рабаўніцтва. Невядомы кліент сеў у ягоны Фольксваген, даехаў да адной з вёсак Мінскага раёна. А калі машына даехала да вёскі і побач не аказалася людзей, то пасажыр дастаў нож і, пагражаючы ім, скраў аўтамабіль.
Міліцыянты змаглі адсачыць куды потым паехала машына. Аўто знайшлі кінутым у нашым рэгіёне. А потым знайшлі і 22-гадовага рабаўніка. Міліцыянтам хлопец распавёў, што скраў машыну з-за кахання, але падрабязнасцяў такой рамантычнай гісторыі прэс-служба МУС не распавядае. У любым выпадку, гісторыя гэта скончылася не вяселлем, а крымінальнай справай.
