Наша каманда ўжо забяспечыла сабе месца на фінальным этапе. Але "Віцебск"-2 таксама прэтэндуе на выхад у вырашальны раўнд. Гэта значыць, што аршанцам трэба перамагаць, бо пункты, набраныя паміж камандамі лепшай чацвёркі, будуць улічаныя далей.
Пакуль гульні "сіня-белых" з віцеблянамі складваюцца ўдала. З папярэдніх 5-ці паядынкаў "Орша" святкавала перамогу 4 разы і аднойчы была зафіксавана нічыя. У першым коле бягучага чэмпіянату "Орша" перамагла суперніка ў гасцях 1:0. Акрамя таго, з улікам папярэдняга сезону, у чэмпіянаце "Орша" не прайгравала ўжо 18 матчаў.
Гульня "Орша" - "Віцебск"-2 адбудзецца 24 жніўня на Гарадскім стадыёне і пачнецца а 18:00.
