У мэтах развіцця міжнародных пасажырскіх перавозак паміж Рэспублікай Беларусь і Расейскай Федэрацыяй з 22 красавіка 2023 году Беларускай чыгункай ва ўзаемадзеянні з ААТ «РЖД» назначаны цягнік нумар 366/365 Менск — Архангельск, піша сайт Беларускай чыгункі.

Новы цягнік будзе курсіраваць па маршруце Менск — Архангельск — Менск штотыдзень, адпраўляючыся з Менску па суботах у 10.22 і прыбываючы ў Архангельск па панядзелках у 12.24. У зваротным напрамку з Архангельска пасажырскі састаў будзе адпраўляцца па панядзелках у 14:47 з прыбыццём у сталіцу Беларусі па серадах у 15:08.

У састаў цягніка ўключаны плацкартныя і купэйныя вагоны, у тым ліку вагон, абсталяваны купэ для перавозкі пасажыраў з абмежаванымі фізічнымі магчымасцямі.

Пры афармленні праязных дакументаў дзейнічае сістэма дынамічнага цэнаўтварэння, таксама ў плацкартных вагонах прымяняецца зніжка 10% на бакавыя месцы.

Продаж квіткоў на цягнік Менск — Архангельск ужо адкрыты.

На тэрыторыі Рэспублікі Беларусь цягнік № 366/365 робіць прыпынкі на станцыях Жодзіна, Барысаў, Крупкі, Талачын, Ворша-Цэнтральная, Багушэўская, Віцебск і Езярышча, на тэрыторыі Расеі — Навасакольнікі, Дно, Вялікі Ноўгарад, Волхаўбуд 2, Петразаводск-Пасажырскі, Мядзведжая Гара, Беламорск, Абазерская, Ісакагорка.