Праваабарончы цэнтар "Вясна" паведамляе пра суд у суседнім Горацкім раёне, які адбыўся 15 сакавіка. У гэтыя ж дні па многіх рэгіёнах - у тым ліку і ў Оршы - адбываліся зачысткі перад 25 сакавіка. Але ў Оршы мужчынам давалі па 10-15 сутак, а жанчынам вялікія штрафы. У Горках, бачна, была іншая тактыка.
Паводле суда, мужчына выпіўшы пазваніў у мясцовы РАУС і выказаў "свой асабісты пратэст" супраць Лукашэнкі, а таксама нешта выказаў супраць мясцовага ўчастковага. У выніку дзеянні расцанілі па двух артыкулах: абраза службовай асобы і пікетаванне. То бок, мужчына правёў пікет па тэлефоне. Але прысуд быў дастаткова лёгкім у параўнанні з тым, што ў тыя дні давалі па краіне: 3 сутак арышту і штраф у 740 рублёў.
