У Оршы 24 сакавіка адчынілася адразу тры новыя вялікія крамы. Праўда, адчыняліся яны ў памяшканнях дзе ўжо і так былі крамы сеткі "Соседи". Ва ўсіх трох крамах агульная назва: "Умный выбор". Дык што гэта за сетка такая?
Зараз крамы сеткі "Умный выбор" працуюць На Флёрава 2а, Магілёўскай 85ж і на 1-га мая 28. Тое, што яны адчыняліся на месцы "Соседей" як бы намякае на блізкасць гэтых двух сетак. Так і ёсць! "Умный выбор" - гэта сетка, якая належыць тым самым "Соседям". але прадаюць тут не ўсе тавары, а тыя тавары, якія выпускаюцца брэндамі, якія і належаць гэтай сетцы. То бок, цяпер "Соседи" не толькі гандлююць, але і вырабляюць, дакладней, заказваюць выпуск прадукцыі пад уласнымі брэндамі. Паводле рэкламнай інфармацыі, гэта дазваляе трохі зменьшыць канчатковыя коўты тавараў.
