Некалькі тыдняў праз Оршу не было бачна перасоўвання расейскай вайсковай тэхнікі. Атакі на Украіну з тэрыторыі Беларусі таксама спыніліся. Падавалася, што Беларусь ужо і выйшла з дапамогі Расеі ў гэтай вайне. Але нядаўна прынамсі двойчы "Супольнасць чыгуначнікаў Беларусі" фіксавала праезд праз Оршу расейскіх вайскоўцаў.
Так, 11 траўня са станцыі Валнаваха, акупаваная Расеяй тэрыторыя, выехаў эшалон з 45 вагонамі. З іх 4 пасажырскія, 2 крытыя і 39 платформаў з вайсковым транспартам. Гэты эшалон з зоны баявых дзеянняў прыбыў на станцыю Заслонава ў Лепельскім раёне, адпаведна, праходзіў і праз Оршу. Праз наш горад эшалон прайшоў на гжтым тыдні.
Другі эшалон выйшаў са станцыі Заслонава 17 траўня ў бок Растоўскай вобласці, на станцыю Гукава. Таксама 14 траўня адзін эшалон з тэхнікай паехаў з Баранавічаў на Гукава, ці праходзіў ён праз наш горад дакладна мы не ведаем.
