Нагадаем, што сёння раніцай пракуратура паведаміла пра прысуд былому наменсніку старшыні Аршанскага выканкаму - яму прысудзілі 4 гады ўмоўна і штраф, а кампенсаваў тыя страты, якія знайшлі следчыя ён сам. Пракуратура распавядала пра справу каротка і не называючы прозвішча чыноўніка. Нам стала вядома пра каго ішла гаворка.
Асудзілі 47-гадовага Андрэя Вітальевіча Канстанцінава. Чыноўнік шмат гадоў быў на вельмі розных пасадах. І пры гэтым чуткі пра яго карумпаванасць хадзілі даўно, у 2013 годзе яго нават здымалі з пасады. але абыйшлося без крыміналкі.
Як паведаміла пракуратура, чыноўнік браў у кіраўнікоў сельскагаспадарчых прадпрыемстваў паліва. Як распавялі нам людзі знаёмыя з сітуацыяй, ён не проста "браў", а абклаў прадпрыемствы данінай, бо курыраваў гэтыя прадпрыемствы і пасады кіраўнікоў залежылі ў тым ліку ад ягонага меркавання. Дырэктара стагналі, пратэставалі, але рэгулярна выдавалі яму патрабуемае паліва. Мясцовыя следчыя органы таксама не прадпрымалі нічога пакуль нехта не "стукануў" у КДБ. Чэкісты змаглі сабраць базавыя дадзеныя пра гэтую карупцыйную схему і тады ўжо адвярцецца ніхто не змог. Справа пайшла ў Следчы камітэт, а Канстанцінава ў мінулым годзе звольнілі з выканкаму.
