Напрыканцы траўня ў Оршы адбыўся дастаткова арыгінальны суд. Прынамсі, не кожны дзень інвалідаў судзяць за падробку дакумантаў. Праўда, гэта гучыць так моцна: "падробка дакумантаў", але гэта не бугалтарскія бланкі на мільёны даляраў ці таварныя накладныя. Жанчына, якая мела трэццю групу інваліднасці, вырашыла з'эканоміць на праездзе на лецішча. Жанчына паспрабавала акуратненька замяніць трэцюю групу ў сваім пасведчанні інваліда на другую. І некаторы час сапраўды так ездзіла. На судзе казалі пра, як мінімум, дзве такія паездкі.
Але падмена трэцяй на другую групу атрымалася не такой акуратнай, як ёй хацелася б. Калі кіроўца аўтобуса не заўважыў падробкі і прапусціў жанчыну, то кантралёры сваім дасведчаным вокам распазналі фальшыўку і здалі жанчыну міліцыі.
Прысуд аказаўся не надта жорсткім, але дастатковым для таго, каб пашкадаваць пра зробленае, бо эканомія на транспарце - хоць цэлы год ездзі - не пакрые такі штраф у 1110 рублёў.
