На днях аршанка двойчы партапілася на інтэрнэт махляроў. Спачатку яна ў інтэрнэце заўважыла вельмі прывабную рэкламу, якая прапаноўвала танны iPhone. Усяго за 500 рублёў можна было набыць дастаткова свежую мадэль. Жанчына перавяла патрабуемыя 500 рублёў, але мабільнік так і не атрымала. Яна звярнулася ў краму, маўляў, давайце або тэлефон, або вяртайце грошы. Крама пагадзілася вярнуць грошы і даслала спасылку ў якую трэба было ўпісаць у тым ліку і дадзеныя сваёй карты. Жанчына ўсё запоўніла і страціла апошнія грошы з карты.
І першы і другі сайт быў створаны махлярамі. Пры гэтым, адрозніць іх ад сапраўдных было не магчыма, што і падвяло нашую зямлячку.
