Нагадаем, што неверагодная залева пачалася ўчора ў Оршы ў другой палове дня і ішла, па замерах сіноптыкаў, каля 12 гадзін. За гэты час на горад вылілася 117 міліметраў ападкаў, гэта азначае дзве месячныя нормы. Дзве месячныя нормы за 12 гадзін! Не дзіўна, што для горада гэта стала кароткачасовай катастрофай. Хаця паўнавартасныя наступствы можна будзе падлічыць толькі сёння.
Моцны дождж прайшоў не толькі па Оршы, але і ў Магілёве, і ў Віцебску - там выпала ў тры і чатыры разы меньш чым над нашым горадам, але ўсё адно гэта стала праблемай для мясцовых жыхароў. А сам пік дажджу прыпаў менавіта на Оршу - гэта бачна па сінаптычных мапах.
