Толькі суд гэта не крымінальны і не адміністратыўны. За тое, што нарабіў 71-гадовы забойца цяпер будзе ў прамым сэнсе расплочвацца яго нашчадак. Пошта выставіла фінансавыя прэтэнзіі да яго.

Нагадаем, што ў канцы жніўня мінулага года на Замосці адбылося жорсткае забойства. Рэцэдывіст зайшоў у аддзяленне пошты дзе ў гэты час знаходзілася загадчыца аддзялення, забіў яе і падпаліў само памяшканне, папярэдне забраўшы ўсе грошы, якія там знайшоў. Мужчына быў паранены пры затрыманні і ў тую ж ноч памёр у бальніцы.

Але, як высветлілася, забойца не быў бамжом і ў яго аказалася некаторая маёмасць ,якая павінна быць у спадчыну перададзеная яго родзічу Л. Толькі вось, родзіч пакуль непаўнагадавы і таму не атрымаў яшчэ спадчыну, а зыск ад імя пошты ўжо атрымаў. Пошта выставіла яму патрабаванне кампенсаваць за кошт спадчыны пад 70.000 рублёў за спалены будынак, спалены тавар, часткова патрачаныя скрадзеныя грошы і г.д.

На судзе правы нашчадка прадстаўляў работнік аддзела адукацыі, які прызнаў правамернасць такой кампенсацыі, але папрасіў зменьшыць сумум. Сапраўды, калі амаль палову жыцця забойца правёў у турме, то наўрад ці дом і яго ўчастак, якія павінны перайсці ў спадчыну, будуць дорага каштаваць. У выніку суд пастанавіў выплаціць пошце кампенсацыі і сабе судовых выдаткаў на агульную суму амаль у 32.000 рублёў.