Апошні месяц лета - жнівень - у гэтым годзе ў Оршы выдаўся цёплым. Сярэдняя тэмпература месяца склала 18,5 градуса, што на 2,3 градуса вышэй за норму. У самы гарачы дзень 2 жніўня тэмпература дасягала 34,8 градуса, самая халодная ноч выдалася 23 жніўня +6 градусаў.
Ападкаў выпала 91 мм пры норме 76 мм. Аднак большая частка ападкаў выпала ў канцы месяца, калі яны былі ўжо не надта патрэбныя, а ў пачатку месяца мела месца засуха.
Згодна доўгатэрміноваму прагнозу Расійскага гідраметцэнтра ў маючым адбыцца верасні сярэдняя тэмпература чакаецца на 1 градус вышэй за норму, ападкаў выпадзе менш за норму. Варта чакаць добрага "бабінага лета".
