Наш сайт пісаў пра таямнічую хваробу блакітных ялінак каля Гарадскога дому культуры (колішні Дом культуры ільнокамбінату). Праз гэта і пасля кансультацый з эколагамі, ялінкі вырашылі спілаваць, бо прыйшлі да высновы, што ўратаваць ялінкі ўжо немагчыма.

Гэтая навіна выклікала допіс успамінаў на старонцы «Мой край. орша и Оршанский район». Там апублікавалі шэраг фотаздымкаў мінулага і сучаснасці і суправадзілі фота тэкстам.

«Зірнем апошні раз на блакітныя елкі, якія так шмат гадоў упрыгожвалі плошчу Ільнокамбіната горада Орша. Хутка іх ссякуць. Дрэвы сталі своеасаблівай візітоўкай.

У апошні год яліны сталі чэзнуць: пачалося ападанне ігліцы, з’явілася шмат сухіх галінак, і дрэвы пачалі ўсыхаць.

Побач прыводжу старое фота ГДК пачатку 60-х, калі блакітных елак яшчэ няма; фота канца 60-х, калі бачныя маладыя елкі; і фота 2020 года, калі яліны яшчэ здаровыя.

А памятае хто, як шмат гадоў таму адну з блакітных елак спілавалі і ўстанавілі на плошчы льнокамбіната (па цэнтры праезнай часткі) у якасці навагодняй елкі? Эколагі тлумачылі, што гэта была неабходная мера, бо ў гэтай елкі выявіліся прыкметы хваробы. Многія жыхары абураліся. З таго часу да Новага года пачалі ўпрыгожваць гірляндай адну з трох жывых блакітных елак, якія засталіся, а ялінку пасярод плошчы льнокамбінату ўстанаўліваць перасталі. Шкада. Такое жыццё; усяму прыходзіць канец!»

Ялінкі дажываюць апошнія дн