Орша, Эканоміка

Упалі цэны на кватэры ў Воршы

02.02.2024 12:28

909 праглядаў, 0 каментароў

Наш горад на першым месцы ў краіне па падзенні цэнаў на кватэры. Інфаграфіка.

У Віцебскай вобласці попыт на кватэры ў кастрычніку-снежні знізіўся паўсюдна, а ўслед за ім знізіліся і кошты ва ўсіх гарадах. Эксперты Realt прааналізавалі тэндэнцыі на рынку нерухомасці ў 4-м квартале 2023 года.

Колькасць заключаных у кастрычніку-снежні ўгодаў з кватэрамі ў Віцебску стала на 19% меншай, чым у аналагічныя месяцы мінулага года. Таксама зніжэнне попыту назіралася ва ўсіх буйных і малых гарадах рэгіёна. Нягледзячы на зніжэнне, попыт усё роўна застаецца на высокім узроўні.

Найбольш папулярнымі ў жыхароў Віцебска ў 4-м квартале былі 2-пакаёвыя кватэры.

У Наваполацку і Полацку амаль палову ўсяго попыту таксама склалі «двушкі», а ўдзельная вага 1-пакаёвых кватэр у агульным попыце была ніжэйшай, чым у Віцебску — на ўзроўні 27-28%, у той час як 3-пакаёвыя кватэры куплялі ў 24% і 20% выпадкаў адпаведна.

У Воршы пакупнікоў цікавілі двушкі і аднапакаёўкі аднолькава — на іх прыйшлося каля 34% усіх здзелак у абодвух выпадках. Пры гэтым на 3-пакантаныя кватэры прыйшлося 26% ад усіх набытых кватэр.

У большасці абласных цэнтраў Беларусі кошты за квартал выраслі. Істотней за ўсё дадалі ў кошце кватэры ў Гомелі і Брэсце — плюс 5% і 4, 7% адпаведна. У Віцебску за тры месяцы сярэдні кошт квадратнага метра знізіўся на 1% і склаў 650$. Таксама зніжэнне назіралася і ў астатніх гарадах вобласці.

Істотней за ўсё ў Воршы — мінус 8% (да 451 $/м2). Такое зніжэнне — наймацнейшае сярод буйных гарадоў краіны.

У Наваполацку «квадрат» знізіўся на 3,8% — да 503 $, у Полацку — да 494 $ (на 3,7%).

1-пакаёвыя кватэры ў Віцебску ў 4-м квартале куплялі ў сярэднім за 21-34 тыс. даляраў, «двушкі» — за 22-38 тыс. даляраў. Цэны на 3-пакаёвыя кватэры вар’іраваліся ад 28 да 50 тыс. долараў. У іншых буйных гарадах тыя ж кватэры каштавалі, як правіла, на 8–14 тыс. долараў танней.

Самая дарагая кватэра, прададзеная ў Віцебску ў 4-м квартале 2023 года, была 3-пакаёвай плошчай 62,6 м². Яна абышлася пакупніку ў 149,8 тыс. долараў.

За год сярэдні кошт квадрата вырас у палове ўсіх буйных гарадоў краіны: у Пінску і Барысаве — на 7%, Маладзечне — на 5%, Мазыры — на 4%, Наваполацку — на 3%. У Бабруйску рост быў нязначным. У астатніх гарадах сярэдні кошт «квадрата» стаў таннейшы, істотней за ўсё ў Воршы — мінус 6,8%.