З 1 лютага ў Оршы на маршруткі, якія ходзяць па ўнутрыгарадскіх маршрутах падвышаецца кошт праезду. Калі раней ён каштаваў 1,20, то з 1-га чысла 1,50 рублі. Гэта дастаткова рэзкі скачок - адразу на 25%. Але дастаткова апраўданы.
Апошнім часам у Оршы былі некаторыя праблемы з транспартам. Многія аршанцы пісалі нам, што не ідэальна ходзяць аўтобусы. А на некаторы час гарадскія ўлады, нават, дазволілі падбіраць пасажыраў прыгарадным аўтобусам. Акрамя таго, маршрутчыкаў моцна пачалі "трэсці" ДАІ. У сувязі з чым маленькія мікрааўтобусы перасталі браць пасажыраў "стоячых".
Падвышэнне коштаў дасць маршрутчыкам зарабіць, адпаведна, у перспектыве палепшыць колькасць і якасць абслугоўвання.
