Сёння ў сеціве з'явіўся ў адкрытым доступе спіс беларусаў, якія з палітычных матывах цяпер вышукваюцца і на тэрыторыі Расеі. Гэта спіс людзей, якіх вышукваюць у Беларусі і амаль аўтаматычна яны патрапілі ў расейскі вышук. Хаця, відавочна, што ў Расеі іх не знойдуць, бо іх там проста няма.
Мы праверылі, ці ёсць у спісе аршанцы. І знайшлі. Пакуль знайшлі пяць чалавек, хаця іх можа быць больш. Так, у вышуку ў Расеі ёсць рэдактар нашага сайту Ігар Казмерчак, які ўжо ў сацыяльных сетках адрэагаваў на гэта: "Эх, не падыхаць мне цяпер вольным паветрам Чалябінска!".
Таксама ў расейскі вышук трапіў дубровенец Міхаіл Чамурака, які быў асуджаны і змог збегчы з "хіміі". Сяргей Парфяненка, з такой жа гісторыяй. І Вячаслаў Лютынскі з Дзімтрыем Матусевічам, якія былі асуджаныя на "хімію" за спробу спаліць чырвона-зялёны сцяг, але за дзень да адпраўкі змаглі з'ехаць з краіны.
