У пасёлку Арэхаўск непадалёк ад Оршы запрацаваў самы сучасны льнозавод вобласці. Адзін рулон трэсты (льняной саломы, якая апрацавана тэрмічна, біялагічна і хімічна) цяпер апрацоўваецца за 7 хвілін. Як паведамляюць некаторыя крыніцы, магутнасць новага прадпрыемства цяпер раўняецца тром старым льнозаводам.
Дырэктар завода Юрый Скараход сказаў: на працягу месяца мы будзем выходзіць на праектную магутнасць, не будзем чакаць паўгода, а адразу запускаем у кругласутачным рэжыме, у тры змены і працуем на ёй пад поўную загрузку. Першыя тоны новага ўраджаю ўжо перапрацавалі ў валакно і адгрузілі на Аршанскі ільнокамбінат. Галоўная ж праца цяпер у палях. Як кажуць, дзень год корміць. Сабраную льнотрасту прадпрыемствы будуць перапрацоўваць да наступнага ўраджаю.
Словы Скарахода прыведзеныя ў рэпартажы тэлеканала АНТ.
