Абмежаванні на наведаванне лясоў пачалі ўводзіцца па Беларусі яшчэ на мінулым тыдні. І з таго часу толькі павялічваліся. Першапачаткова абмежаванні тычыліся Аршанскага, Сененскага і Шклоўскага раёнаў, калі гаварыць толькі пра Аршаншчыну. На гэтым тыдні абмежаванні пашырыліся на ўсе суседнія раёны Віцебскай вобласці. Цалкам адкрытыя лясы заставаліся толькі ў Горацкім і Круглянскім раёнах.
Але з сёняшняга дня абмежаванні дасягнулі максімальнага ўзроўню - цяпер абмежаванні ўвялі па ўсёй краіне. Адпаведна і ва ўсіх суседніх з Аршанскім раёнах. Звязана гэта з вельмі цёплым і сухім надвор'ем. Пакуль не пойдзе дажджоў абмежаванне, відавочна, не здымуць. Але могуць зрабіць больш жорсткімі і ўвогуле забараніць ўваходы ў лясы.
