Наша каманда - адзіная ў сваёй 2-й лізе, на матчы якой у сярэднім прыходзіць болей за 1000 чалавек. Прычым у другой палове сёлетняга чэмпіянату колькасць гледачоў на гульнях "сіня-белых" павялічылася. Пасля 10-га туру сярэдні паказчык быў 1133 чалавекі, цяпер 1260.
Усяго з пачатку чэмпіянату матчы "Оршы" наведалі 12600 чалавек. Але пры ўмяшчальнасці нашага стадыёна можна гаварыць пра тое, што ёсць і рэзервы для далейшага павышэння, да таго ж наш клуб не прайграе ў чэмпіянаце з улікам мінулага сезону ўжо 22 матчы.
Далей па сярэднім паказчыку ідуць лідэры зоны "Б" "Баранавічы" - 832 чалавекі, што на 428 чалавек у сярэднім менш за аршанцаў. Астатнія паказчыкі можна паглядзець у спецыяльнай табліцы.
Нялішнім будзе адзначыць, што два клубы вышэйшай лігі маюць не большую за "Оршу" папулярнасць. Калі лічбы магілёўскага "Дняпра" практычна супадаюць з аршанцамі, то на мінулагодніх уладальнікаў Кубка Беларусі "Мінск" у сярэднім прыходзіць толькі 625 чалавек.
