Набліжаюцца чарговыя вялікія выходныя, а заадно і святкаванне Дня перамогі. Але тыя хто пойдуць на святкаванне павінны цёпла апрануцца. Сіноптыкі не радуюць сваім прагнозам. Сёння ў Оршы будзе дастаткова цёпла, ёсць верагоднасць, што тэмпература на сонцы падымецца да +18, але вецер будзе ахалоджваць.
А заўтра пачнецца яшчэ адна зіма ў гэтым годзе. Ноччу тэмпература апусціцца ажно да мінус 5 градусаў!!!!!! А днём у самым лепшым выпадку будзе +15, але так пашанцуе паўднёвым раёнам краіны. У Аршанскім раёне павінна быць халадней ды яшчэ і можа пайсці кароткачасовы дождж. Прыблізна так будзе і ў пятніцу 10 траўня.
