Некалькі месяцаў таму беларускія ўлады з захапленнем гаварылі пра адкрыццё супрацоўніцтва з Зімбабвэ. Гэта адна з самых бедных дзяржаў у свеце з вялікай колькасцю праблемаў. Але дзяржаўныя СМІ казалі не пра гэта, а пра вясёлкавыя перспектывы гэтага супрацоўніцтва і наколькі яны могуць быць карысныя. Гаварылася, нават, што Беларусь і Зімбавэ, нават, створаць супольную касмічную праграму.
Але рэальнасць іншая. Два дні таму Савет міністраў Беларусі падпісаў пастанову пра новы крок эканамічнага супрацоўніцтва з гэтай краінай - накіраванне гуманітарнай дапамогі для насельніцтва Зімбабвэ.
Сярод таго чым Беларусь падкорміць будучых касманаўтаў будзе 3.720 банак ялавічнай тушаніны Аршанскага мясакамбінату. Здаецца, упершыню прадукцыя мясакамбінату паедзе так далёка, але, відавочна, гэта не прарыў на рынак. Бо тушаніну выкупіць сама Беларусь і для Зімбабвэ яны будуць цалкам бясплатныя.
