Тыдзень таму ў дэмакратычных СМІ з'явілася інфармацыя, што ў бандзе аршанцаў, якія ў Гомельскай вобласці рабавалі фуры ўдзельнічаў супрацоўнік Докшыцкага РАУС. У першыя дні старонкі ў сацыяльных сетках блізкія да сілавікоў, паспрабавалі абвергнуць гэтую інфармацыю. Праўда, так паспрабавалі, што акрамя нашага сайта, здаецца, ніхто і не заўважыў абвяржэння.
Толькі ўчора з'явілася інфармацыя ад афіцыйных асобаў. Кіраўнік МУС Іван Кубракоў асабіста перад журналістамі назваў тую інфармацыю фэйкам.
Праўда, гэта мала пераканала незалежных журналістаў. У шэрагу СМІ, якія прызнаныя экстрэмісцкімі, апублікавалі словы міністра са скепсісам. Больш за тое, былыя сілавікі, таксама прызнаныя экстрэмістамі, прадказалі вялікія чысткі ў міліцыі па Гомельскай вобласці.
