Бліжэйшым часам будзе арганізаваны рух электравікоў «Смаленск-Віцебск», «Смаленск-Ворша». Пра гэта паведаміў губернатар Васіль Анохін падчас справаздачы перад грамадскасцю і СМІ аб выніках сваёй працы за год. Чыноўніка цытуе smolensk-i.ru.
Аднавіць зносіны прыгарадных цягнікоў паміж Смаленскам і беларускімі гарадамі прасілі як смаляне, так і жыхары Беларусі, сцвярджае Анохін.
Спалучэнне паміж Воршай і Смаленскам, раней вельмі актыўнае, апошнімі гадамі стала занепадаць. У сакавіку 2018 году адмянілі аўтобус «Смаленск-Ворша». Аршанскі аўтапарк назваў маршрут нерэнтабельным і абвінаваціў у гэтым нерэгулярных перавознікаў.
Пазней праблемы пачаліся і з чыгуначным спалучэннем. Здаралася і такое, што электравік Ворша — Смаленск ламаўся падчас руху.
