Алесь Пушкін быў аршанцам амаль земляком, паходзіў з мястэчка Бобр, якое адносна недалёка ад Воршы і да якога можна даехаць звычайным электравіком.

Ён памёр 11 ліпеня 2023 году ў рэанімацыі гарадзенскай лякарні, падчас аперацыі ў яго спынілася сэрца. За апошнія месяцы перад смерцю мастак схуднеў на 20 кг, яму вельмі балелі ныркі. Пушкіну было 57 гадоў.

Малюнак Алеся Пушкіна з турмы

Яго асудзілі на 5 гадоў за партрэт Яўгена Жыхара — беларускага партызана, які змагаўся з камуністамі. Рэжым Лукашэнкі, які бачыць і падтрымлівае толькі прасавецкі погляд на гісторыю, не мае ніякага месца для беларускіх партызанаў, якія акрамя нацыстаў супраціўляліся яшчэ і камуністам. Алесь Пушкін пісаў іконы, распісваў храмы, з самых першых дзён існавання дыктатуры Лукашэнкі мастак рашуча выступаў супраць яе.

Адным з найбольш запамінальных перформансаў Алеся Пушкіна стаў «падарунак прэзідэнту», дзе ён прывёз да Адміністрацыі Лукашэнкі тачку з гноем і ўсадзіў сахор у партрэт Лукашэнкі на ім.

Пушкіна шмат разоў арыштоўвалі за патрыятычныя погляды. Адной з апошніх і найбольш запамінальных акцый мастака стаў пратэст каля крамы ў Крупках супраць русіфікацыі. Ён выступаў за далучэнне Беларусі да NATO, незалежную краіну, дзе будзе панаваць свая, беларуская мова, і не будзе расейскіх войскаў.

На Аршаншчыне Алесь Пушкін быў незьлічоную колькасьць разоў. Прымаў удзел у розных выступленьнях, сустрэчах, быў госцем фэсту ў гонар Аршанскай бітвы на Крапівенскім полі.

Вечная памяць.