У пятніцу 9 жніўня стала вядома пра новыя санкцыі Злучаных штатаў супраць юрыдычных і фізічных асобаў Беларусі. Новыя санкцыі звязаныя з саўдзелам Беларусі ў вайне Расіі супраць Украіны. Прынамсі, гэта становіцца відавочна, калі глядзець на спіс тых хто патрапіў у новы спіс - гэта кампаніі звязаныя з узбраеннем.
Сярод тых хто патрапіў пад санкцыі і аршанскі завод "Лягмаш". Вядома, што гэты завод вырабляе балванкі для снарадаў для расейскага войска. Акрамя самога завода, пад персанальныя санкцыі патрапіў і асабіста дырэктар завода - Уладзіслаў Паўленка. Агулам пад новыя санкцыі патрапілі 19 фізічных асобаў і 11 юрыдычных.
