Пакуль лічбы не выглядаюць нечым катастрафічным, калі глядзець у абсалютных лічбах, але калі ў працэнтах, то за календарны год рост злачынстваў сярод непаўнагадовых павялічыўся на 16%. Калі за 7 месяцаў мінулага года па Віцебскай вобласці было 77 злачынстваў, то за 7 месяцаў гэтага года іх зафіксавана 92. Акрамя Лёзненскага раёна, ва ўсіх раёнах суседніх з Оршай таксама назіраўся рост: у Дубровенскім з 2 злачынстваў да 3, у Аршанскім з 8 да 14, у Сененскім з 2 да 3, у Талачынскім у мінулым годзе не было такіх злачынстваў, а ў гэтым годзе іх зафіксавана 3.
Дакладнай разбіўкі па відах злачынстваў па нашых раёнах мы не ведаем. А па вобласці гэта выглядае так: незаконны абарот сродкаў і інструментаў пляцяжу (гаворка яўна пра розныя электронныя плацяжы) вырас з 0 да 9 выпадкаў, абарот наркотыкаў з 4 да 15, выраб парнаграфіі з 1 да 5, забойстваў сярод непаўнагадовых ў мінулым годзе не было, а ў гэтым 4 выпадкі па вобласці, сэксуальны гвалт вырас з 2 да 5 выпадкаў.
