Гаворка ідзе пра старонку ў сацыяльнай сетцы "Аднакласнікі" "Дубровно Чемурака", якая належыць дубровенскаму актывісту. У 2021 годзе Міхаіл быў асуджаны за каментары, атрымаў тры гады "хіміі", але змог збегчы са зняволення і зараз знаходзіцца за мяжой. У прынцыпе, названая старонка сёння ў асноўным і паказвае жыццё за мяжой - незвычайныя гарадскія скульптуры ды тэхніку. Палітыкі на старонцы амаль няма.
Гэта ўжо не першая старонка Міхаіла ў сацыяльных сетках, якая была прызнаная экстрэмісцкай, але папярэднія старонкі, сапраўды, мелі пераважна палітычны кантэнт.
