На выходных у сеціве з'явіўся дакумант Камітэту Дзяржкантролю створаны па выніках назірання за дзейнасцю аўтаперавозчыкаў вобласці. Дакладней, праэкт пастановы калегіі. Але ў нас няма сумніваў, што дакумант у выніку быў прыняты, а лічбы ў ім выклікаюць мала сумніваў. Праэкт быў створаны ў лістападзе 2023 года і паказвае вынікі маніторынгу за 9 месяцаў мінулага года. Паглядзім што ў ім ёсць пра Оршу.

Самая цікавая лічба па аршанскіх аўтобусах - кожны пяты рэйс аўтапарку быў сарваны. Гэта больш чым у іншых гарадах вобласці. Чаму такая сітуацыя?

Па-першае, пасажырскія перавозкі не акупаюцца. Па Оршы акупляльнасць аўтобусных перавозак складае толькі 38,9%, а па прыгарадзе - 41,2%. Пры гэтым аўтапарк раней атрымаў прадпісанне давесці акупляльнасць да 94 і 68% адпаведна. Зразумела, што гэта прыводзіць да нізкіх заробкаў. Сярэдні заробак кіроўцаў складае 80,5% ад сярэдняга заробку па вобласці, які і так не высокі. У Аршанскім аўтапарку па стане на 1 кастрычніка былі пустымі 33 вакансіі.

Па-другое, 25% усіх аўтобусаў працуюць звыш "нарматыўнага тэрміну". То бок, іх пара ўжо памяняць. І гэта самы нізкі паказчык па вобласці - у іншых гарадах "пратэрмінаваных аўтобусаў" яшчэ больш.

Дастаецца ў дакуманце і маршрутчыкам, якія перавозяць 40% пасажыраў у Оршы. Але рэгулярна патрапляліся на нявыдачы квіткоў і спробаў зменьшыць выплату падаткаў.