Махляры выкарысталі супраць 86-гадовай магілеўчанкі старую схему: званок, "ваш родзіч патрапіў у аварыю", перадайце грошы чалавеку, які прыедзе. За грашыма прыехаў 23-гадовы кур'ер махляроў з Мінску. Мужчына забраў у пенсіянеркі 17 тысяч рублёў наяўнымі, якія павінен быў прывесці ў наш горад і ў Оршы пералічыць грошы арганізатару махлярскай схемы.
Але пенсіянерка аказалася не настолькі глупая і звярнулася ў міліцыю. У выніку 23-гадовага мінчаніна вылічылі, як і машыну на якой ён паехаў. Маладзёна затрымалі ў Оршы. Самае прыемнае, што грошы мінчанін не паспеў адправіць і яны вярнуліся да ўладальніцы. А мужчына цяпер адкажа за махлярства ў асабліва буйным памеры і за сябе і за пакуль не затрыманага куратара.
