Аляксандар Камленок - былы чыгуначнік, які страціў працу па палітычных прычынах і пачаў працаваць дальнабойшчыкам. Калі ён вяртаўся ў Беларусь з аднаго з рэйсаў, Аляксандра арыштавалі і абвінавацілі ў трох артыкулах: абраза прадстаўніка ўлады, абраза прэзідэнта і данаты. З 13 лютага 2024 года мужчына знаходзіцца ў зняволенні. У сярэдзіне жніўня над Камленком адбыўся суд ў закрытым рэжыме, таму з тае пары прыгавор быў невядомы.
Нядаўна стала вядома, што Аляксандар атрымаў, як мінімум, 3 гады калоніі. Суддзёй выступаў Яўген Буруноў, які рэгулярна разглядае палітычныя працэсы.
