Пад канец года Белстат апублікаваў зводку асноўных паказчыкаў сацыяльна-эканамічных паказчыкаў па нашым рэгіёне. Па вялікім рахунку, нейкіх яскравых лічбаў тут няма: амаль па ўсіх раёнах падрос сярэдні заробак, шмат дзе вырасла запазычанасць прадпыремстваў і дзе-нідзе вырасла вытворчасць малака. Але гэта не значныя змены адносна такога ж перыяду 2023 года.
З усіх лічбаў па суседніх раёнах моцна выдзяляецца толькі паказчык чыстага прыбытку арганізацыяў, якія працуюць у Сененскім раёне. Калі ў 2023 іх даход са студзеня па кастрычнік складаў амаль 8 з паловай мільёнаў рублёў, то ў 2024 годзе адбыўся паўнейшы абвал. Чысты прыбытак арганізацый упаў да мінус амаль двух мільёнаў рублёў. Гэта можна патлумачыць кепскай эфектыўнасцю мясцовых арганізацый: у 2023 годзе рэнтабельнасць была мінус 7,5%, а ў 2024 мінус 4,2% - два гады адмоўнай рэнтабельнасці.
Калі суміравать усе росты і падзенні па ўсёй Аршаншчыне, то агулам адбылося падзенне даходаў арганізацый. Невялікі рост даходаў заўважылі ў дубровенскім раёне (было 15.796, стала 19.566 тысячы рублёў), значны рост адбыўся ў Лёзненскім раёне (было 2.104, стала 8.132 тысячы рублёў), Значыны рост адбыўся ў Горацкім раёне (было 15.926, стала 38.187), невялікі рост у Шклоўскім (было 31.284, стала 38.215 тысяч). Але гэтыя павелічэнні агулам не кампенсуюць падзенне даходаў у стратных раёнах. Пра Сененскае падзенне мы ўжо напісалі. Але падзенне даходаў прадпыремстваў таксама адбылося ў Талачынскім раёне (было 25.577, стала 16.554), у Аршанскім раёне найбольшае падзенне: у 2023 годзе было 156.560, стала 135.237 тысяч рублёў.
