На штучным полі 5-й школы аршанцы прынялі каманду Смаленскага дзяржаўнага ўніверсітэту фізічнай культуры. Каманда гасцей гуляе ў трэцяй па сіле лізе расейскага першынства.
Гульня прайшла, як прынята казаць, «сустрэчнымі курсамі», футбалісты падарылі сваім трэнерам шмат галявых момантаў. У аршанцаў галы загналі Аляксей Чарнадараў і Мікіта Бабчанок.
Аднак і госці знайшлі, чым адказаць. Паядынак скончыўся ўнічыю 2:2. Прэс-служба аршанцаў падрыхтавала фота- і відэасправаздачу з гульні.
«Ворша» працягвае рыхтавацца да новага сезону пад кіраўніцтвам Мікалая Кітаёва. Наперадзе наступныя гульні і праверка складу. А ў красавіку стартуе новы чэмпіянат у І лізе першынства Беларусі.
