Ён заявіў, што раней, калі на льнокамбінаце распрацоўвалі новыя мадэлі з лёну, то на выхадзе атрымлівалі тое, што мала каму было цікава, гэта значыць "Жыгулі" (такі тэрмін выкарыстоўваў сам Сяргей Сідзін).
Сітуацыю ўдалося выправіць двум студэнтам Віцебскага дзяржаўнага тэхналагічнага ўніверсітэта, якія там вучыліся на 2-м і 3-м курсах.
Па замове льнокамбіната яны стварылі калекцыю, якую паказалі на конкурсе расійскага дызайнера Вячаслава Зайцава “Плес на Волзе. Ільняная палітра». З трох вышэйшых узнагарод аршанцы заваявалі дзве. Калекцыя пайшла ў магазіны, дзе мела поспех.
"Бачачы гэта ўсё, цяпер мы працуем менавіта з моладдзю, каб унесці ў наш вопыт нотку навізны, авантурызму. І самае галоўнае - тое, што ёсць у маладых, - гэта жаданне праславіцца, жаданне зацвердзіцца. І гэта вельмі дарагога каштуе", - адзначыў намеснік дырэктара.
Дарэчы, гэты аповед ён пачаў вось з такой тэзы: "Усё-такі моладзь наша, можа быць, і разумнейшая, але яна не мудрэйшая".
