Для гэтага складзены план з 54 мерапрыемстваў. На іх прадугледжана больш за два з паловай мільёны рублёў. Не абыдзецца і без бясплатнай працы: у 2025 годзе ў раёне будзе 2 месячнікі і 4 суботнікі.
Што ж плануюць зрабіць? З гэтым самая вялікая праблема - знайсці дакладны і ясны план у адкрытых крыніцах Orsha.eu не ўдалося. Народу ведаць пра такое не абавязкова?
Вядома толькі, што ў раёне працягнуць зносіць апусцелыя дамы, уладкоўваць сажалку па вуліцы Леніна, там адрамантуюць часткі пешаходнай сцежкі і ўсталююць вулічныя скульптуры.
А яшчэ «Аршанская спецаўтабаза» павінна будзе забяспечыць умовы для асобнага збору смецця ў Талачынскім раёне. Магчыма (але гэта не дакладна), з'явяцца новыя кантэйнеры і пляцоўкі для збору смецця ў Талачыне і Коханаве.
