Аранжавы ўзровень небяспекі аб'явілі беларускія сіноптыкі. Прагноз па Оршы на бліжэйшыя дні - працяглыя ападкі, моцны вецер і да +7 градусаў днём.
У панядзелак 24 сакавіка заходняя частка Беларусі стане цэнтрам цыклону Волкер. Праз гэта ў некаторых раёнах нашай краіны нават можа выпасці снег. Наогул ападкаў чакаецца вельмі шмат, у тым ліку па ўсходняй частцы, дзе мы з вамі жывём.
Белгідрамет папярэджвае, што днём 23 сакавіка (нядзеля) па захадзе нашай краіны ў многіх раёнах чакаецца ўзмацненне паўднёва-ўсходняга ветру парывамі 15-18 м/с. Наступным днём 24 сакавіка (панядзелак) у многіх раёнах, а таксама ў Мінску чакаецца ўзмацненне паўднёва-ўсходняга ветру парывамі 15-20 м/с.
