Калі верыць словам чыноўнікаў, то Оршу напрыканцы гэтага года будзе проста не пазнаць.
- Пабудуюць як мінімум 10 новых дзіцячых гульнявых пляцовак (адну - у Смальянах).
- Добраўпарадкуюць парк імя Якубоўскага - зробяць асвятленне, усталююць лавачкі, альтанкі і г.д.
- Навядуць ідэальны парадак і абсталююць месца для адпачынку ў раёне вуліцы Анатоля Салянікава ў новым мікрараёне.
- Пачнуць будаваць пуцеправод праз чыгуначныя пуці па вуліцы Шклоўскай (грошы на гэта ўжо выдзелены).
- Грунтоўна прывядуць у парадак мемарыяльны комплекс «Кацюша», памятны знак першаму залпу «Кацюшы» ў Пішчалаве, Курган Бессмяротнасці і прылеглы да яго парк Герояў, брацкую магілу савецкіх воінаў у гарадскім парку і іншыя.
- Нададуць пільную ўвагу добраўпарадкаванню дарог.
- Гаражныя кааператывы прывядуць у належны выгляд.
- Працягнецца навядзенне парадку на дваровых тэрыторыях шматкватэрных дамоў.
Добрыя планы, праўда? Але ці спраўдзяцца яны? Хутка даведаемся.
