Нярэдка з вуснаў мясцовых жыхароў можна пачуць фразу: "Орша - маленькі Чыкага". На жаль статыстыка, якая была прааналізавана на паседжанні Аршанскага райвыканкама гэта пацвярджае. Крымінагенная сітуацыя ў горадзе пакідае жадаць лепшага, таму на гэтым пасяджэнні, у якім прыняў удзел і намеснік генеральнага пракурора Аляксандр Дубаў, было разгледжана пытанне аб рэалізацыі Закона Рэспублікі Беларусь "Аб асновах дзейнасці па прафілактыцы правапарушэнняў".
Было адзначана, што за 9 месяцаў 2014 на тэрыторыі Аршанскага раёна адбылося зніжэнне рэцыдыўнай злачыннасці з 168 да 157 злачынстваў, а таксама злачынстваў, учыненых асобамі ў стане алкагольнага ап'янення, - з 133 да 114.
За гэты перыяд зарэгістравана 6 забойстваў і 13 цяжкіх цялесных пашкоджанняў. Зарэгістравана 30 злачынстваў карупцыйнай накіраванасці і 60 злачынстваў, учыненых у эканамічнай сферы (за 9 месяцаў мінулага года было здзейснена 54 карупцыйных злачынствы і 29 - у эканамічнай сферы).
Разам з тым, як было адзначана, з 24 да 31 ўзрасла колькасць асабліва цяжкіх злачынстваў, з 6 да 7 - разбояў, з 29 да 39 - рабаванняў, з 8 да 14 - хуліганстваў, з 1 да 4 - згвалтаванняў, з 1 да 6 - выкраданняў чалавека, з 4 да 14 - незаконнага абароту наркатычных сродкаў, псіхатропных рэчываў, іх прэкурсораў і аналагаў, з 1 да 15 - выманьваньне крэдытаў або датацый.
Акрамя гэтага, павялічылася колькасць злачынстваў, учыненых жанчынамі (з 109 да 126), асобамі, якія не занятымі грамадска-карыснай дзейнасцю (з 511 да 531). Адзначаны рост колькасці пацярпелых пенсіённага ўзросту (з 117 да 122).
