З-за таго, што ў чэмпіянаце гуляла няцотная колькасць камандаў - 13, кожны тур прапускаў адзін з калектываў. Чарга "Оршы" падышла якраз у апошнім туры, таму за гульнёй іншых аршанцы ў заключным туры толькі назіралі. У барацьбе за 5-е месца ў сіня-белых было два канкурэнты - адзін з іх саступіў - "Кобрын" прайграў менскай "Зорцы-БДУ" 0:1. Але "Баранавічы" ў сваім матчы перамаглі "Віцебск-2" 2:1, таму менавіта гэты клуб заняў 5-е месца. Аршанцы становяцца 6-мі.
Два першыя месцы выйшлі ў 1-ю лігу. Табліца: Гомельчыгункатранс - 63 пункты, Нёман Масты - 51, Зорка-БДУ Менск - 49, Жлобін - 41, Баранавічы - 36, ОРША - 35, Кобрын - 35, Лівадыя Дзяржынск - 26, Асіповічы - 23, Маладзечна-2013 - 22, Партызан-МТЗ Менск - 22, АЛФ-2007 - 20, Віцебск-2 - 11.
Гэта самы паспяховы сезон за апошнія гады. Наша каманда нарэшце фінішавала ў першай палове турнірнай табліцы. Пасля вылету з першай лігі ў 2005-м годзе аршанцы займалі 12-е, 13-е, 12-е, 14-е, 15-е, 15-е і 17-е месцы.
