Яшчэ ў пятніцу ДАІ папярэджвала пра пагаршэнне ўмоваў руху ў сувязі з кепскім надвор'ем - снегападамі, абмежаваннем бачнасці на дарогах, снежным накатам і галалёднымі з'явамі.
Не зважаючы на папярэджанне, без аварыяў не абыйшлося. Каля вёскі Рэкта Горацкага раёну суботнім ранкам жыхар Горак на мікрааўтобусе "Фольксваген" выехаў на сустрэчную паласу руху і на хуткасці ўрэзаўся ў аўтобус "МАЗ". Кіроўца мікрааўтобуса патрапіў у бальніцу, а яго 29-гадовы пасажыр загінуў на месцы.
УАршанскім раёне было спакойней. Сур'ёзных здарэнняў не адбылося, але не абыйшлося без дробных ДТЗ. У прыватнасці, у пятніцу 23 студзеня каля вёскі Брылі на дарозе Орша-Дуброўна з-за кепскіх умоваў надвор'я з дарогі вылецеў легкавы аўтамабіль, ніхто не пацярпеў.
На відэа: ДТЗ каля вёскі Брылі
У бліжэйшыя тры дні на дарогах аршаншчыны сітуацыя крыху палепшыцца, бо ў гэтыя дні істотных снегападаў не чакаецца, але захаваецца туман і на асобных участках галалёд.
