Акрамя Архіепіскапа праваслаўнай царквы, копіі зваротаў па праблеме рэстаўрацыі помніка культуры "Былы Базылянскі манастыр" былі адпраўлены і ў шэраг дзяржаўных газетаў. Ліст дасланы ў "СБ - Беларусь сегодня" рэдакцыяй быў перанакіраваны ў міністэрства культуры.
У лісце з міністэрства гаворыцца, што дзяржава паводле закону не можа фінансаваць рэстаўрацыю будынкаў якія знаходзяцца не ва ўласнасці органаў улады. Але Міністэрства ў 2014 годзе хадайнічала пра змены ў Бюджэтны кодэкс, каб нейкія сродкі можна было накіроўваць на рэстаўрацыю асобных помнікаў у прыватнай уласнасці, што было б лагічна, бо менавіта дзяржава ў свой час знішчала культавыя будынкі.
Але пакуль змены ў Кодэкс не прынятыя і дзяржава не можа напрамую дапамагчы рэстаўрацыі Базылянскага манастыра, які быў перададзены праваслаўнай царкве. Праўда, сказаць, што Мінкульт цалкам не пасадзейнічае справе аднаўлення помніка немагчыма - у абласны выканкам накіраваны зварот ад міністэрства з просьбай аказаць садзейнічанне ў адкрыцці дабрачыннага рахунку для збору сродкаў грамадскасцю.
