Паводле некаторых паведамленьняў, пакуль непацверджаным, 9 снежня дэлегацыя Беларускай чыгункі адправіцца ў польскі горад Малашэвічы для прыёмкі электрацягнікоў ЭПР. Калі прыёмка пройдзе паспяхова, то да новага года ў Беларусь адправяцца два новых электрацягніка. Статычныя выпрабаванні ўжо прайшлі ў Польшчы, дынамічныя тэсты адбудуцца ў Беларусі. Эксплуатацыю плануецца пачаць вясной 2014-га года.
Абодва электрацягнікі ЭПР, зробленыя ў Польшчы, будуць складацца з 5 вагонаў, сядзенні ў салоне будуць размешчаны адзін за адным (у цяперашніх "Штадлерах" , якія курсуюць паміж Оршай і Мінскам, сядзенні размешчаны адзін супраць аднаго.
Пакуль не вядома дакладна, па якім прынцыпе будуць ездзіць цягнікі, але адзначаецца, што яны разлічаны на маршруты Мінск - Орша - Мінск, Мінск - Жлобін - Мінск, а таксама Мінск - Баранавічы - Мінск і Баранавічы - Брэст - Баранавічы.
Анастасия
Вот бы еще один в Полоцк из Орши.