Арганізацыя "Global power federation" рыхтуецца правесці ў Оршы турнір па паўэрліфцінгу "Open ORSHA Challenge". Яго правядзенне плануецца на 26-га студзеня. Наколькі стала вядома нашаму сайту, тэрміны і месца правядзення спаборніцтваў яшчэ толькі ўзгадняюцца, пакуль ні заля, ні дакладны дзень невядомыя.
Паўэрліфцінг або сілавое трохбор'е — сілавы від спорту, сутнасць якога заключаецца ў пераадоленні супраціву максімальнай для спартоўца вагі.У якасці спаборніцкіх дысцыплін у яго ўваходзяць тры практыкаванні: прысяданні са штангай на спіне (дакладней на верхняй частцы лапатак), жым штангі лежачы на гарызантальнай лаўцы і цяга штангі. У паўэрліфцінгу, у адрозненне ад бодзібілдынгу, важныя сілавыя паказчыкі, а не прыгажосць цела. Але многія вядомыя бодыбілдэры пачыналі з паўэрліфтцінгу, альбо займаліся абодвума відамі спорту адначасова — Арнольд Шварцэнэгер, Роні Колеман, Франка Каломба.
