Кругласуткавыя крамы зніклі ў нашым горадзе праз некаторы час пасля ўвядзення забароны на гандаль алкаголем ноччу. Не сакрэт, што асноўны тавар "начнікоў" як раз і былі алкагольныя напоі. Нядаўна ўрад зняў гэтую забарону - цяпер алкаголь можна набыць у любы час сутак, чым і пачаў карыстацца гандаль. Адной з першых наноў адчыненых кругласуткавых крамаў стала фірмовая крама мясакамбінату з адрасам па вуліцы Магілёўская (побач з былой вайсковай чатскай).
Крама была зачынена некалькі месяцаў назад і цяпер зноў аднавіла работу ўжо ў якасці кругласуткавай. Выбар тавару застаўся ранейшым: вялікі асартымент прадукцыі АМКК, асабліва тушаніны, алкаголь, напоі, іншыя тавары звычайныя для харчовых крамаў. Адзінае што змянілася ў краме - цяпер яе плошча зменьшана ў два разы - другая палова, якая раней здавалася ў арэнду - адгароджана сцяной.
