Васіль Міхневіч, які нядаўна стаў вядомы дзякуючы інтэрв'ю аб сваім знаходжанні ў турме КДБ, нарадзіўся ў сям'і афіцэра. Сям'я пераехала ў Барань з Наваполацку і ​​менавіта ў горадзе-спадарожніку Воршы тады яшчэ маленькі Васіль вучыўся ў школе №15. Праўда, да канца не давучыўся - як сын афіцэра пайшоў пасля 8-га класа ў кадэцкае вучылішча, пачаўшы службовую кар'еру.

Шырока вядомым Васіль Міхневіч стаў некалькі дзён таму дзякуючы вялікаму інтэрв'ю літоўскаму выданню DELFI, у якім - цяпер ужо былы падпалкоўнік міліцыі - распавядае аб сваім арышце і метадах допытаў у турме КДБ.

Паводле яго слоў, у МУС Васіль Анатольевіч пачаў працаваць у 1995 годзе, а па стане на 2010 год (перад арыштам) працаваў у званні падпалкоўніка ў Мінску, дзе расследаваў асабліва цяжкія злачынствы эканамічнай накіраванасці. Падчас праверак, якія вёў Міхневіч, выявілася, што некаторыя службовыя асобы Міністэрства архітэктуры датычныя да наўмыснаму завышэння цэн на будаўніцтва праз стварэнне спецыфічнай сістэмы абаротаў некаторых будматэрыялаў. Але за гэтымі асобамі па яго словах стаялі высокапастаўленыя супрацоўнікі адной са спецслужбаў. А праз некаторы час некаторыя сведкі па гэтай справе загадкава гінуць. Улічваючы, што ў гэты час ішоў канфлікт паміж МУС і КДБ, падчас якога супрацоўнікі абедзвюх службаў траплялі за краты, трапіў за краты ў ізалятар КДБ і сам Міхневіч, паводле яго слоў, па надуманых абвінавачваннях у перавышэньні паўнамоцтваў. У турму ён трапіў незадоўга да прэзідэнцкіх выбараў 2010 года і масавых арыштаў пасля іх, таму інтэрв'ю, апублікаванае літоўскім выданнем, атрымліваецца з моцным палітычным адценнем.

У час знаходжання ў турме Міхневіча паводле яго слоў спрабавалі завербаваць, каб падключыць да пераследу палітычных зняволеных, а пасля вызвалення прыгразілі расправай, калі той не пагодзіцца на супрацоўніцтва. Ён сцвярджае, што з-за пагроз і з'ехаў у Еўропу адкуль і было зроблена інтэрв'ю.Цалкам тэкст інтэрв'ю можна прачытаць тут.