Раней беларускія СМІ паведамлялі аб тым, як у Оршы распаўсюджвалася расейская пратэстанцкая газета "Сокрытое сокровище", на сайце якой адкрыта рэкламавалася так званая "Луганская народная рэспубліка", часова арганізаваная на акупаванай тэрыторыі Украіны. Пасля скандалу сайт газеты прыбраў інфармацыю пра ЛНР. Цяпер, верагодна, частка матэрыялаў маскоўскага выпуску газеты будзе перадрукоўвацца ў Беларусі, аднак гэта будуць менавіта рэлігійныя матэрыялы, звязаныя з верай у Бога, пытанні Евангелля, гэтак далей.
Цалкам маскоўскі выпуск газеты закупляцца ў Беларусь больш не будзе. Такое рашэнне прыняла кіраўніцтва царквы адвентыстаў у Беларусі. Як адзначылі аршанскія адвентысты ў размове з карэспандэнтам сайту orsha.eu, царква адвентыстаў здзяйсняе мірную дзейнасць, там збіраюцца людзі, якія вераць у Бога і хочуць спазнаваць сваю веру ўсё больш. Ніякага дачынення да палітыкі царква не мае і мець не збіраецца.
