Хрысціяне-адвентысты адзначылі Раство Хрыстова. Царква правяла ў Оршы тры святочныя вечары, на якіх разбіраліся важныя пытанні Божых запаветаў і дзеянняў. У першы вечар, 25-га снежня, тэматыкай вечару было, навошта Хрыстос прыходзіў да людзей, што здарылася на Раство. У другі, 26-га снежня, разбіралася пытанне "Што хавае гісторыя Раства? Якія памылкі і міфы развеяў Ісус". Трэці вечар, які адбыўся 27-га снежня, пытаннем сустрэчы было "Як адказаць на Раство? Чаго Бог чакае ад сучаснага чалавека". Удзел у адкрыцці вечароў прымалі і людзі з асобымі патрэбамі. Варта адзначыць, што людзей, якія прыйшлі ў царкву на вуліцу Ўваскрасенскую, 2, чакалі падарункі і ўся інфармацыя падавалася вельмі даступна нават для людзей, не вельмі добра абазнаных у нюансах Свяшчэннага Пісання. Наш сайт прапануе некалькі здымкаў, якія спрабуюць перадаць атмасферу вечароў.
Рэлігійная абшчына Царквы хрысціян-адвентыстаў у Оршы існуе з пачатку 1990-х гадоў, хоць першыя адвентысты жылі тут і раней. Рэгістрацыя атрымана ў 1993 годзе, абшчына перарэгістраваная ў студзені 2004 года ў адпаведнасці з новым заканадаўствам. Пастар Царквы - доктар багаслоўя Яўген Герасімаў. Абшчына мае і свой сайт: vchurch.info. Малітоўны дом у Оршы знаходзіцца на вуліцы Васкрасенскай, дом 2, за швейнай фабрыкай. Штотыдзень праходзяць набажэнствы па суботах у 10-00 і ў 17-00. Малітоўны дом ёсць і ў Барані, на вуліцы Нікалаева, 1. Царква прымае ўдзел у рэлігійнае аб'яднанне "Канферэнцыя цэркваў хрысціян - адвентыстаў у РБ" і з'яўляецца часткай сусветнай царквы адвентыстаў, якая налічвае зараз больш за 18 мільёнаў вернікаў.
Чым адрозніваюцца адвентысты сёмага дня ад іншых вернікаў у двух словах. Найбольш характэрныя адметныя рысы веравучэння - вера ў блізкае Другое прышэсце Ісуса Хрыста, захаванне Дзесяці запаведзяў з акцэнтам на шанаванне суботы. Адвентысты настойваюць на выкананні суботы як усталяванай пры стварэнні свету задоўга да нізпаслання Закона Майсеевага (згадваецца таксама і ў чацвёртай запаведзі Дзесяціслоўя ў Старым Запавеце). Паводле сцвярджэнняў адвентыстаў сёмага дня, субота з'яўляецца перш за ўсё "помнікам стварэння свету", "пячаткай аўтарытэту" Нябеснага, Божага праўлення.
