Беларуская чыгунка 30-га снежня плануе правесці Адзіны дзень пасажыра. У перадапошні дзень 2015 года на чыгуначных вакзалах усіх абласных цэнтраў Беларусі, а таксама на вакзалах Оршы і Баранавічаў пройдуць падобныя мерапрыемствы. У сустрэчах з людзьмі прымуць удзел кіраўнікі і спецыялісты Пасажырскае службы Ўпраўлення Беларускай чыгункі, аддзяленняў дарогі, начальнікі станцый і вакзалаў. Пасажыры змогуць задаць спецыялістам Беларускай магістралі пытанні. Прычым як у вуснай, так і ў пісьмовай формах.
Адзіны дзень пасажыра - новы фармат стасункаў Беларускай чыгункі з кліентамі. На мэце стаіць вывучэнне патрэбаў карыстальнікаў чыгуначнага транспарту і паляпшэнне, удасканальванне абслугоўвання ў далейшым. Першы Адзіны дзень пасажыра быў праведзены 26 сакавіка 2015 года. Ён атрымаў станоўчыя водгукі людзей. Плануецца, што ў 2016 годзе таксама будуць праводзіцца такія сустрэчы.
