Аршанскі райаграсэрвіс застаўся сярод самых стратных прадпрыемстваў Беларусі. За апошнія тры месяцы страты райаграсэрвіса павялічыліся на 99 тысяч даляраў ЗША і дасягнулі 515 тысяч даляраў па дадзеных Міністэрства фінансаў. Нагадаем, што Аршанскі рааграсэрвіс займаецца вырошчваннем зерневых і зернебабовых культур, уключаючы і працу з насеннем.
Самае стратнае прадпрыемства Беларусі - "Камароўка" з Берасцейскага раёну. Адкрытае акцыянернае таварыства займаецца развядзеннем сельгасгаспадарчай птушкі. Чыстыя страты за апошні год складаюць ужо 3 123 000 даляраў. На другім месцы ААТ "Барсеева" Лёзненскага раёну - 1 936 000 даляраў стратаў за той жа час. Замыкае тройку Віцебская бройлерная птушкафабрыка з 1 836 000 даляраў стратаў. Найвялікшыя страты за папярэднія тры месяцы панесла ААТ "Барсеева", якое страціла ажно 1,33 мільёны даляраў.
